Varden i Hovsmoheia

Om turen

Beskrivelse

Varden i Hovsmoheia. Den kneisar mot austhimmelen for folk i Hovsherad. Den lokkar. Betre stad å møta soloppgangen finn du knapt i bygda.

Følg stien langs nordsida av Steielsbekken i Mårdalen. Spor viser den har vore brukt i lang tid. Stien har kosta slit - fleire stader der terrenget fall bratt mot bekken ser du at den er murt opp.

Vel venstre alternativ i stidelet, forlat Mårdalen og følg stien over bekken. Når terrenget flatar ut, er det tid for å forlata stien. Følg kartet og ser du godt etter, finn du ein og annan nødling.

Ved varden blir du løna med ein storslått utsikt over Hovsvatnet, Hovsherad og mot Moi og Lundevatnet.