Høghei frå Handeland

Om turen

Beskrivelse

Frå Høghei har du storslått utsikt over Hovsvatnet, Hovsherad og Drangsdalen. Villsauer beiter i området og båndtvangen gjeld heile året.

Du går gjennom tunet på Handelandgarden og kjem inn på den gamle vegen til Austrheim, som blei brukt fram til fylkesvegen til Austrheim og Sætra blei bygd i 1959. 300 m frå tunet vel du den blåmerka gamlevegen. Etter nye 350 m går du frå Austrheimsvegen like før brua over Litlånå. Her ligg murar etter floran - sommarfjøsa som blei brukt den gang kyrne beita i utmarka. Ved floran tar du til høgre inn på gangvegen til stølen, høyløene, heiabeitene og torvmyrene. Etter at terrenget flater ut, går gangvegen inn på traktorveg og skogen går over i åpent, gjødsla beite. Etter 300 m på traktorvegen møter du eit stidele der begge alternativ fører til Høghei.

Du går til høgre, og vil du, kan du ta av traktorvegen for å nyta utsikten frå Salmonknut. Traktorvegen går snart over i sti og du møter snart ei kneik der sledeveg er anlagt i ura. Etter kneika ser du ein heller til venstre før terrenget flater ut og stien går langs tjern og et par myrar. Her er det godt å ha vanntette sko eller støvlar. Myrene blei slått fram til 1950-talet og stien leiar deg gjennom to av høyløemurane. I neste stidele tar du til venstre opp kneika og på toppen av kneika ser du Høghei. Du krysser dalen og går opp til toppen på god sti. Nyt utsikten!

Nord for Høghei passerer du Stutepollen og steingard i grensa mellom Haukland og Handeland. Etter kneika ved Stemmetjørn finn du gode badeplassar. Nord for Nonåstjørna møter du igjen traktorvegen. Ved myrene til høgre for vegen ser du murar etter stølen. Så møter du snart stidelet frå oppturen og fylgjer stølsvegen ned til Handeland.