Rundtur Svartediket - Hardbakka - Vidden - Isdalen - Svartediktet

Om turen

Beskrivelse

Dette turforslaget ble opprinnelig publisert i boken "OPPTUR BERGEN». Vi takker Selja Forlag for tillatelsen å kunne legge ut turbeskrivelsen i ut.no. "OPPTUR BERGEN" er en inspirerende turbok med 151 turforslag i Bergen og omegn.

Start: Ved bommen på sydvestsiden til Svartediket
Tid: 4-6 timer
Høgd: 75 - 640 moh.
Lengd: 12,5 km

Ein meir alpin tur enn denne skal du leita lenge etter så nær bykjernen. Nokre hundre meter frå bustadfelta ligg Dødens Dal, Kjeften og Isdalen og ventar, meir fryktinngytande enn lokkande.

Den brattlendte turen byrjar pynteleg, langs Svartediket innover på Tarlebøveien. Der vegen deler seg, følgjer vi skiltinga mot Hardbakkadalen. Ved brua tek du til venstre inn i skogen, og snart står du ved funnane til garden Hardbakka.

Hardbakka Gard var ein av fire gardar og 13 bruk som blei drivne her inne mellom Ulriken, Vidden og Blåmanen. Det blir rekna som sikkert at gardane er frå mellomalderen. Så seint som i 1915 budde det 73 menneske på dei fire gardane til samen, 43 av dei var born. Då var bruka på Hardbakka allereie fråflytta. Heile dalen blei fråflytta i perioden mellom 1900 og 1940. Fram til då var det blitt drive jordbruk i Våkendalen og Isdalen i kanskje så mykje som 1000 år. Hardbakka var postgard, og nettopp her var det skysskifte for hestar. Herifrå gjekk vegen vidare mot Borgaskaret og Arna.

Den same vegen skal vi, opp bogstien som buktar seg opp gjennom skogen, og som har fått namnet etter alle svingane. Postvegen måtte halda ein viss standard, og her og der ser du at han er fint murt opp. Vel ute av skogen opnar landskapet seg opp, og du får fint utsyn mot vest.

Framleis er det mykje kratt og småskog langs stien, men ein gong har det nok vore fin beitemark i botnen der Hardbakkatjernet ligg.

Turen held fram oppover mot Borgaskartet, der det vert sagt at baglarane kom ned på sine herjingstokt rundt 1206. Det var ein høveleg veg å koma for dei som ville overraska.

Heile vegen opp i Borgaskaret er brattlendt og til dels urete. I Borgaskaret flatar det ut. Berre kneiken i sør er att før vi er oppe på sjølve Vidden der vi fortsetter til høyre langs hovedtrasséen. Turen ned Isdalen er ikkje like folkekjær som klassikaren over Vidden, kan henda fordi han er krevjande. Heile vegen ned, frå Smedmyrane og til det flatar ut i Isdalen, må vi vera nøye med korleis vi føtar oss. Siste delen ned att på grusvegen aust for Svartediket er lettgått.