Rundtur til Måvatn frå Bakka, Mauranger, Kvinnherad

Om turen

Beskrivelse

• Turkart: Folgefonna nasjonalpark. Du finn eit pdf-kartblad ved å bla i bilda øvest på sida.
• Parkering, start og sluttpunkt: Bakka. Sjå feltet "Adkomst" lenger nede på denne sida.
• Merking: Informasjonstavle ved start. Stien er T-merkt og skilta.
• Høgdeskilnad: 250 - 600 moh.

.

TUROMTALE

Frå P-plassen går turen 1 km på god grusveg, Setravegen, til hengebru over Dalelva til venstre. Herfrå på god sti opp Småbotnane og Hestaskarvet, og i flatare lende fram til Utigardsetra. Derfrå bratt opp til Måvatnet. 

Retur same vegen, eller alternativet nemnt nedanfor.

Dette området av Kvinnherad gjev ei sjeldan oppleving av variert natur, med vidt utsyn til bre og hav.

GODE RÅD

• Ta med kikkert. 
• Alternativ retur er å gå ned den gamle seterstien, men ver merksam på at øvre del av stien er svært bratt og ulendt. Gå då attende forbi Utigardsetra og til stidele oppe på fyrste høgda, der seterstien går mot høgre. Bratt ned i Juvet der stien kryssar Tverrelva, og så ned Øyjordslia til bygdevegen. 500 meter langs vegen opp til parkeringsplassen på Bakka.