Knappstad til Vardalsnakken. Rundtur

Om turen

Beskrivelse

På Knappstad tek du av Rv 5 ved busskuret og følgjer bygdevegen oppover og det er skilta til tursti. Ovenfor garden er det parkeringsplass og der står det informasjonstavle. Gå traktorvegen oppover. Det er godt merka oppover i skogen og følg stien opp til skiltet: Kvile Langelia. Gå så rett fram over myra og du kjem inn i den brattaste delen av stien i Brekkene. Stien går no jamt bratt oppover til Ytrestøylen og du passer skiltet "Perleporten" på veg opp.

Bak støylshusa på Ytrestøylen, kan du ta turen oppover til du kjem inn på stien opp til Indrestøylen.

Følg stien oppover mot Indrestøylen og når du kjem på siste høgda før Indrestølen dreier du nordvestover legda i retning vatnet 540 moh - lokalt kalla Grøneheivatnet. Der er det ein stor varde og steinbenkar, flott rasteplass. Herifrå går du vestover og krysser over elva. Følg ryggen oppover Vardalsnakken til varden på utsiktsposten.   

Nedatt går du ned mot elva og føl støylstråkket ned i retning Ytrestøylen. Du vil då komme ned og inn på stien som kjem frå Indrestøylen følg den vidare nedover og gå litt vestover til du kjem til Kyraråkja. Følg den nedover til du kjem innpå stien att frå Ytrestøylen. Følg same tråkket ned til Knappstad og parkeringsplassen. 

Sporet på kartet er gått som ein rundtur 26 04 22 og det var snøfenner som vi tok hensyn til.  

God tur!