Sætveit - Vikanuten - Fjellstøl, rundtur

Om turen

Beskrivelse

Gå 1 km mot sør/gjennom Jondal sentrum, og ta til høgre på gang- og sykkelveg opp mot Sætveit til du kjem inn på hovudvegen att. Fylg FV107 400 meter til ein parkeringsplass på venstre side av veg, der det òg er informasjonstavle og skilt om turen. Du går oppover på god skogsti. Etter om lag 15 minutt deler stien seg. Her er det skilta Fjellstøl og Vikanuten. (Denne turen er omtalt som ein rundtur og du kjem tilbake til denne plassen om du vel å gå mot Fjellstøl først). Gå mot Vikanuten, over elva og bratt oppover vestsida av Nutadalen. Først gjennom granskog og vidare i bjørkeskog. Skoggrensa er om lag halvvegs opp til Vikanuten. Vidare oppover i god fjellsti, men like bratt. Varden på Vikanuten ligg litt nedanfor høgda. Frå Vikanuten går ein vidare over høgda i flott fjellterreng med fleire tjørn, før du kjem ned til Fjellstøl. Det er skilta og merka tilbake til starten (Sætveit), eller du kan gå til Breidsete eller ned til Jondalsleite. Stien mot Sætveit går til dels bratt nedover i bjørkeskog og vidare i eit gran felt før du kjem til sti krysset som er omtalt i starten av turen.

På denne turen har Jondal idrettslag sett opp 40 skilt med historiske namn, og med omtale av staden på norsk og engelsk. Skilta er brune med kvit skrift.

Sesong

Juni/juli – oktober. (Går du i juni er det kanskje ein del snøfonner du må gå over.)

Råd for turen

- Ta med mat, drikke og vindtette klede. - Du bør ha fjellstøvlar, men har det vore tørt ei stund kan du også bruke joggesko. - Mobildekning er god på det meste av turen. - Vi anbefaler kart og kompass, ev. GPS. - Det er bandtvang 1. april – 20. august. - Det er forbode med open eld i skog og mark 15. april - 15. september. - Til fots kan du ferdast fritt i utmark, men ver varsam og ta omsyn til dyr og fuglar, og til naturen elles. Ikkje kast søppel.