Elvastien med Teglhaug, rundtur

Om turen

Beskrivelse

Skildring av tur

Elvastien (0,5-1 time, turen er gradert grøn/enkel):

Bak Coop følg grusvegen gjennom frukthage og ta til venstre mot elva. Følg vegen til du kjem til ein liten motbakke, og ta til venstre mot elva. Ved elvebreidda går du til høgre langs elva til ei bru. (Her kan du ta ein avstikkar, sjå Teglhaug.) Elvastien fortset over brua og på nordsida av elva tilbake mot sentrum. Du går forbi idrettsplassen og Viketunet museum før du tar til venstre mot sentrum. Turen går på asfalt og grus, og er eigna for rullestol/barnevogn. Det er fleire kvilebenkar langs stien. 

Avstikkar til Teglhaug (1-1,5 time, turen er gradert blå/middels):

Følg Elvastien ca. 1 km, ta av ved sørenden av gangbrua over elva, og gå opp til hovudvegen. Ta til venstre, og gå snautt 100 m. Ta til høgre og gå parallelt med hovudvegen til ein sving (skilta Tursti). Gå rett fram inn på god traktorveg. Dette er den gamle vegen mot Krossdalen som går over Leitet. Etter vel 100 m er det vegkryss der du kan velje retning på rundturen. Gå rett fram og over toppen (ca. 600 m) til du finn skilt til Teglhaug på høgre sida av vegen. Gå inn på skogsti og oppover til ei flate. Der er det skilt til høgre. Då er det 5 minutt til toppen av Teglhaug. Det er fin utsikt mot sentrum og fjorden og ei flott dagsturhytte som er open for alle. Gå tilbake til skilta på det flate partiet, og ta til høgre. Etter nokre hundre meter er det ei opning med fin utsikt og ein benk. Så er det bratt ned mot bygda. Du kjem ut på ein dyrka teig. Gå i venstre kant av denne og ut på traktorveg. Følg vegen nedover til du kjem inn på vegen du starta på, og ta til venstre. 

Sesong

Elvastien: Heile året Teglhaug (avstikkar): Mai - oktober/november

Råd for turen

- Du kan gå i småsko på Elvastien, for avstikkar til Teglhaug bør du ha fjellsko - Turen langs Elvastien er tilrettelagt for rullestol - Mobildekning er god på heile turen - Det er bandtvang 1.april – 20. august - Ikkje kast søppel