Venevassegga via Vallestadstølen

Om turen

Beskrivelse

Tur til Venevassegga via Vallestadstølen i frå Vallestad.

Venevassegga er ein populær topp, som ofte blir gått i frå Rørvikfjellet. Her har eg merka i frå Vallestad, via Vallestadstølen på vei ned igjen. Finaste ruta vil gjerne være å gå frå Rørvikfjellet, for så å ende opp på Vallestad.

For å starte i frå Vallestad: Parker bil ved hovedveg, eller køyr bil på skogsbilveg som vist på bilde. Gå deretter oppover skogsbilveg innover. Uansett kva veg du velger, så går det sti til Vallestadstølen, men enklaste er å følge raud merking oppover skogsbilveg, for deretter å finne raude merker langs stien. Følg gjerne GPS-spor på kart.

Når ein kjem oppover kanten mot Vallestadstølen, så kan ein følge merker vidare oppover mot Venevassegga. Det kan være endå finare å legge turen innom Solheimsdalen, dette for å få mindre stigning, og meir utsikt.

Venevassegga er og eit flott mål om vinteren, med då nedfart igjen til Solheim.