(19) Sponavik - Gullberg

Om turen

Beskrivelse

Turen startar i Sponavikjo ved badestranda. I Gullberg kan ein sjå merkje etter den eldste gruvedrifta på Stord som starta i 1689 då dei leita etter kopar. Namnet Gullberg kjem av at koparkisen glimtar som gull i fjellet. Siste gong det var gruvedrift i Gullberg var i 1860-1870. Stordø Kisgruber tok over i 1915 og prøvde med diamantboring, men dei fann lite. Oppe på Store Gullberg er det restar etter ein signalstasjon frå krigen og her er utsikt til Bjoa, Tittelsnes, Borgundøya og Bømlafjorden heilt sør til Sletta. Ein må opp til Litla Gullberg, 81 moh, for å få den finaste utsikta. Heile dette vesle naturområdet er kjend for sitt mangfald av blomar, kristorn, krossved og bererberis. I delar av skogen vert det dreive juletreproduksjon.