Tursti til Borgundnuten, Borgundøy, Kvinnherad

Om turen

Beskrivelse

• Turkart: Du finn eit kartblad for turen ved å bla i bilda øvst. Fritidskartet Halsnøy/Fjelberg i målestokk 1:20.000 er til sals hos Buketten, Sæbøvik. Eides Bensinstasjon, Eidsvik. Fjelberg Landhandel, Fjelberg. 
• Parkering: Ferjekaien på Sydnes.
• Start- og sluttpunkt: Ferjekaien på Borgundøy.
• Merking: Informasjonstavle ved Sjøstovo/ferjekaien. T-merkinga startar ved P-plassen 150 moh. 
• Høgdeskilnad: 2 - 462 moh.
• Tidsbruk: 3 timar t/r - Ca 1 time meir dersom ein vel rundturen. 

TUROMTALE

Turen startar ved Sjøstovo ved ferjekaien på Borgundøy. Frå Sjøstovo går vegen oppover mot Brekke skule og krysset på høgste vegpunktet. Ta skogsvegen til høgre rett før krysset. Følg denne 300 meter fram til P-plass, og derfrå på god, men stundevis noko bratt sti til toppen gjennom Storaskar. 

Frå toppen er det på godversdagar veldig fin utsikt over Sunnhordland.

GODE RÅD

• Dersom ein vil forlengja turen og gjera den til ein rundtur, kan ein følgja merkt sti på ryggen nedover mot nord (stundevis litt dårleg merking). Denne stien går ned til flata ved Kattanakken og ut mot utsiktspunkt mot Aske og Aksdal. Vidare på sti og skogsveg ned til Møllesvik, og på skogsveg attende mot Krekjahaugen og ferjekaien/gjestehamna. Møllesvik er ein idyll, og Krekjahaugen er ein av dei flottaste gravhaugane frå folkevandringstid som er funnen i Sunnhordland.
• Ferja har ikkje så mange anløp. Dersom ein tek turen midt i veka, kan ein følgja snøggbåt tilbake til Sydnes kl. 13.20. Snakk med dei i butikken.