Tveitåsen frå Tveiten

Om turen

Beskrivelse

Turen startar ved busskuret på Tveiten, der ein kan parkera på sida. Følg grusvegen oppover, og rett fram i første kryss. Følg grusvegen vidare forbi gardstunet og følg deretter blå merking. Etter ei stund kjem du til masta ved Tveitåsen. Her er det benk med fin utsikt og ein postkasse med ei bok du kan skriva deg inn i. Turen går vidare over gjerdeklyven og vidare på merka sti heilt til toppen av sjølve Tveitåsen. På grunn av ein del skog, er det ikkje så mykje utsikt frå dette punktet, men på veg bort er det ein stor stein med fantastisk utsikt nordover.

Fram til 20. oktober 2017 finn du posten i "På tur i Radøy" på Tveitåsen.

Det er sau og storfe på beite i periodar. Hald avstand frå storfe og hald hund i kort line.