Breidalen rundt i Gloppen Kommune

Om turen

Type:	Fottur
Lengde:	14.417 km
Turen går:	Turen går én vei, fra A-B
Varighet:	7 timer 15 minutter
Gradering:	Krevende
Høydemeter totalt:	1213
Sesong:	April - Oktober
Område:	Fjordane Naustdal-gjengedal landskapsvernområde

Beskrivelse

Breidalen rundt er ein nydeleg tur.

Vi går ifrå Gimmestadstøylen inn mot Breidalsvatnet. Her er god rås og moderat stigning.

Før vatnet skråar vi opp mot Busperaksla, her er det litt bratt og ulendt, men ikkje verre enn at vi klarar det!

Elva kan vere stor, så vassing over elva er eit godt alternativ. Her bør ein fylle vassflasker, for det er ei stund til ein kjem til vatten att.

På Busperaksla, som er eit av dei mange flotte utsiktspunkta på turen, ser vi bl.a. rett ned i Langedalen.

Vi går vidare inn på aksla og kjem til eit smalt parti. Nokre kan reagere på høgda, men dei fleste taklar det. (Sjå på bilde og vurder korleis ein trur ein vil reagere på høgda.) Det er lett kliving, i 2014 er ruta re-merka akkurat der klivinga er.

Etter å ha gått ei stund rundar vi bort på Salen, her går vi etter vardar/merke som Byrkjenesmannen laga i si tid. Turen går ned att via Svarthammaren.

Kva rute ein vel å gå ned att frå Svarthammaren varierer. Det har litt med om det er vått, eller tørt.

På turen har vi utsikt til ulike delar av fylket. Vi ser bl.a. Sandane, Arnestadfjellet, Langedalen, Stoa, Ångsdalen, Gjengedalsvatnet, Mosedalen, Vistøylsegga, Gjegnen og til Snønipa og breen.

Ein fantastisk flott tur i Gloppen-natur!

Gåtid er ca 7-8 timar.