Geitafjellet

Om turen

Beskrivelse

Turen startar ved stor parkeringsplass i øvre enden av Fitjadalsvatnet. Fyrst nokre hundre meter på grusveg innover dalen, like etter brua over Kjølo er det skilta mot Breidablik opp til høgre. Følg denne stien, som er T-merka, til Breidablik. Fyrst bratt oppover i tett barskog, før den fortset bratt oppover i litt opnare skog. Frå Spøtaskarv vert det litt opnare i dalen opp mot stølen Håsete. Frå Håsete går det oppover via eit par platå til Vinskjersleitet, etter du har passert hytta her flatar det ut og vert småkuppert innover til Breidablik.

Frå Breidablik går du igjennom tunet og ut "Vossaporten" og føl den t-merka stien i retning Vending. Like før stien endrar retning til vest/mot glyntabakkane, tek du rett fram og opp mot toppen du ser framfor deg - som er Geitafjell. Det er noko små vardar på veg mot toppen.